CAGAYAN DE ORO CITY, Philippines – Gipamatud-an sa National Bureau of Investigation nga dili nila kinahanglan magdala sa armas ug mugamit sa puwersa aron i-silbi ang warrant of arrest ni Kingdom of Jesus Christ (KOJC) Church Founder Pastor Apollo Quiboloy, sulod sa iyang compound sa Davao City.
Apan, human sa usa’g-tunga nga oras sa pagsil-ip sulod sa King Dome ug mga balay sa mga namuyo sulod sa compound, walay Quiboloy nga nagpatim-aw.
Miingon si Atty Archie Albao, Director sa NBI-11 nga abogado ra sa pastor ang miatubang kanila.
Kahinumduman nga niadtong Hunyo 10, giila sa KOJC nga “Day of Infamy” ang pag-atake sa baga nga puwersa sa armadong PNP ug CIDG agents, nga nagresulta sa dakung tensyon sa sulod ug gawas sa compound.
