CAGAYAN DE ORO CITY – Wala makaangay ang komitiba sa public utilitiy sa konseho kabahin sa gidali-dali nga transport modernization program diin gipangwagtang ang traditional jeepneys dinhi sa syuad.
Kini human kompirmaha ni Kag. Romeo Calizo nga nakadawa siya’g daghang tawag nga dunay mga lugar nga nagkulang ang mga masakyan sa mga pasahero kay dili makaya’g pasakay sa modernized buses.
Miingon si Calizo nga unta wala pugsa sa Land Transportation Franchising and Regulatory Board o LTFRB 10 nga wad-on ang mga karaang jeep kay dili pa kaya ang pagtubag sa daghang mga pasahero.
Dumduman nga una nang namulong kaniadto si United Drivers Association President Joel Gabatan nga kulangon ang mga sakyanan kon ipugos sa LTFRB ang pagpahunong sa mga karaang jeepney units pagpabiyahe.
