Gi-kondinar sa Malacañang ang pahayag sa abogado ni kanhi Presidente Rodrigo Roa Duterte nga si Nicholas Kaufman, nga matod niya, gidaot lang ni Presidente Ferdinand Marcos Jr ang katungdanan ni Duterte.
Kini human sa unang adlaw sa confirmation of charges sa International Criminal Court (ICC), kundiin giingon nga adunay tawag sa telepono nga nadawat ug gipanghambog nga mag-pagawas sila sa mga saksi aron daoton si Duterte.
Sumala kang Palace Press Officer Undersecretary Claire Castro, giila niya nga “binuang” ang mga alegasyon ni Kaufman batok kang Presidente Marcos ug miingon pa nga murag si Kaufman mismo ang adunay problema, dili ang iyang kliyente.
Gipamugos usab ni Castro nga dili klaro ang depensa ni Kaufman isip defense lawyer tungod kay ang gipasanginlan nga extrajudicial killings nahitabo pa sa panahon nga alkalde pa si Duterte sa Davao City. (Phillip Ariata)
