Gikuwestiyon ni Atty. Ariel Inton, founder sa Lawyers for Commuters Safety and Protection o LCSP, ang paspas nga pagpatuman sa Metro Manila Development Authority o MMDA sa No Contact Apprehension Policy o NCAP.
Matod ni Inton, samtang aktibo nang gipatuman sa MMDA ang maong sistema, padayon pa kining gikuwestiyon ug wala pa hingpit nga gipatuman sa ubang lokal nga panggobyerno sa Metro Manila.
Gipunting usab ni Inton ang partisipasyon sa mga pribadong kontratista sa pipila ka LGU, ilabina ang ilang pagbaton og bahin sa mga multang nakolekta gikan sa mga motorista nga nasakpan pinaagi sa mga camera o CCTV.
Matod niya, ang maong setup nagpatungha og pangutana bahin sa paagi sa pagpatuman sa NCAP ug sa pagbahin sa kita gikan sa mga multa tali sa lokal nga panggobyerno ug sa pribadong kontratista.
Ang LCSP nag-awhag og klarong pagpatin-aw sa maong sistema, ilabina sa legalidad ug mekanismo sa pagpatuman sa NCAP ug sa pagdumala sa mga multa nga gipabayad sa mga motorista. (jane abulag)
