CAGAYAN DE ORO CITY, Philippines – Gibida ni Presidente Ferdinand Marcos ang pagsilbing pro-active member sa Pilipinas sa global community nga nakigbatok sa korapsiyon.
Gipadayag sa presidente ang iyang mga pasigarbo sa gilusad nga Oath-taking Ceremony sa tanan bag-ong na-promote nga mga heneral sa Armed Forces of the Philippines ug mga Flag Officers, didto sa Malakanyang.
Namahayag si Marcos nga ipatigbabaw sa iyang gobyerno ang walay mantsa sa korapsiyon samtang padayong gipalig-on ang pagtukod sa Bag-ong Pilipinas, pinaagi sa tabang sa kasundaluan nga nagmintinar sa kahusay ug kalinaw sa tibook Pilipinas.
Una niini, gireport sa presidente ang pagsilbing pro-active member sa Pilipinas batok korapsiyon dihang mitambong kini sa 5th State Conference sa United Nations Convention against Corruption (UNCAC) Implementation and Review.
Hisayran nga bisan sa gipamugos nga walay mantsa sa kurapsiyon, nabulit ang administrasyon ni Marcos sa pagsaway ni Vice President Sara Duterte sa gitratar nga indirect corruption sama gitoohang nga sayo nga vote-buying pinaagi sa iyang paghatag sa tag 10,000 pesos ayuda para lamang sa mga mag-uuma ug mangingisda sukad sa tuig 2023; mga nahunlak nga flood control projects sa Luzon ug Visayas, ubos sa iyang administrasyon, ug ang labing lab-as mao ang pagkadaut sa dalan sa gipasigarbong labing high tech ug modernong tulay, ang Panguil Bay Bridge.
Hisayran nga wala pa abti sa usa ka tuig ang proyekto apan nalangkat dayon ang mga aspalto sa dalan hinungdan sa ubay-ubay nga mga aksidente sa mga motorista.
Nagviral pa sa social media ang sayot nga pagkadaug sa tulay ug ayha pa na-aksiyonan.
Hinoon, sa pagkutlo ning balita, gitabunan na sa aspalto ang naglubak nga dalan sa Panguil Bridge!
