Kinahanglan andam ang gobyerno sa kabag-uhan sa teknolohiya ilabe na nga nagkadako na ang epekto sa paggamit sa Artificial Intelligence o AI aron mas mahimong episyente ang trabaho.
Miingon si Presidente Ferdinand Marcos Jr. nga kinahanglan kanunay nag-uswag ang pagdawat sa nasud sa kaayuhan nga dala sa AI ilabe na sa sektor sa edukasyon, imprastruktura, ug renewable energy.
Gani, iyang gipamugos nga sa ipahigayong ASEAN meeting, laraw niyang hisgutan ang dakung impact sa AI sa kinabuhi sa tawo ug sa pakigrelasyon sa ubang nasud.
Gusto usab masuta sa presidente ang posibleng mga dautan epekto kung ang tawo grabe ang pagdepende sa AI. Usa sa iyang pananglitan sa pag-abusar sa AI ang pagpakuyanap sa fake news, peke nga mga impormasyon, gidoktor nga mga dokumentasyon ug uban pa.
