CAGAYAN DE ORO CITY, Philippines – Disiplina, kahanas, ug paghigugma sa nasud. Kini ang tolo ka mga importanteng New Years Message ni President Ferdinand Marcos nga posted sa iyang YouTube Channel.
Miingon si Marcos nga kining tolo ka kalidad ug kinaiya kinahanglan mapuy-an sa matag Pilipino aron mabati ang ispiritu sa Bag-ong Pilipinas.
Miingon si Marcos nga kinahanglan magbaton sa igong disiplina sa kaugalingon, sa pamilya ug sa pagtahud sa balaod ang matag sibilyan.
Gawas niini, iyang gi-awhag ang mga netizens nga magbaton sa disiplina sa paggamit sa mga gadgets ug dili kini abusuhan o magpailad sa mga fake news nga mabasa sa mga social media.
Gihatagan usab sa presidente ang gimbug-aton sa disiplina sa pagpili sa masustansya nga pagkaon ug pag-ehersisyo aron kanunay baskog ang panglawas ug pangutukan. Lakip sa iyang new years resolution mao ang pagpaningkamot nga mahimong pisgay ang iyang panglawas ning tuiga.
