Lig-on ang kaso ug ebidensya nga gihuptan sa Philippine Drug Enforcement Agency (PDEA-10) batok sa incumbent Vice Mayor nga iyang nadakpan sa gilusad nga search warrant implementation sa Purok 3, Barangay North Poblacion, Guinsiliban, Camiguin Province, niadtong Marso 17.
Sa press conference, namahayag si Atty Alex tablate nga “common knowledge” na daw sa mga residente sa maong lugar kalambigitan sa suspek sa illegal nga drug.
Busa aron mapamatud-an, ug makakuha sa mas lig-on nga ebidensya, ilang gi-isyu ang search warrant ug narekober sa opisyal ang gitoohang shabu nga adunay street value nga P102,000.00.
Nakuha usab sa iyang posisyon ang iyang 9mm nga pistola nga adunay usaka magazine kuyog ang 22 ka rounds sa 9mm bala.
Gamiton usab sa mga imbestigador isip ebidensya ang iyang cellphone ug mga managlahing drug paraphernalia.
Gibutyag ni Tablate nga ang PDEA dili magbase sa mga pasangil apan, ila kining pamatud-an pinaagi sa ilang pagsurviellance.
