CAGAYAN DE ORO CITY – Naibtag tunok si Camiguin businessman Paul Rodriguez kabahin sa iyang giatubang nga kasong pagpamakak o perjury nga unang gipasaka ni incumbent Provincial Governor Xavier Jesus Romualdo.
Kini human gibasura ni Justice Secretary Jesus Crispin Remulla ang perjury case kontra Rodriguez nunot sa isyu sa gipatuman nga QR code nga obligadong mosanong ang tanang mga tawo nga mosulod sa isla.
Miingon si Rodriguez nga nagmatood lamang kini nga ensakto ang gibarugan sa iyang grupo aron kuwestiyonon ang palisya nga gipatuman sa Romualdo administration sukad miigo ang COVID-19 pandemic sa tuig 2019.
Dugtong niini,gitakdang sila na usab ni Rodriguez ang mohandos sa kaso batok sa grupo ni Romualdo.
Siya miingon nga gipalihok na niya ang mga papeles aron sumbalika’g kiha ang unang miipitt kanila.
Sa pikas bahin, bukas ang mga linya sa Bombo Radyo alang sa panig ni Gov. XJ aron ma-esplikar ang iyang panig kabahin sa maong isyu.
