CAGAYAN DE ORO CITY – Dili pa makompirma sa Philippine Army ang impormasyon nga napatay sa engkuwentro ang kapikas ni late New People’s Army national operation command head Jorge Madlos alyas Ka Oris nga si Kumander Maria Malaya sa Butuan City ning adlawa.
Kini human mikaylap ang mubo nga video footage diin madungog ang sinultihang binisaya ug dagkong paka sa mga buto sa armas sa palibot nga gitoohang engkuwentro sa duha ka panig-armado.
Pasiunang gipaabot nga impormasyon ni Philippine Army spokesperson Col. Louie Dema-ala nga wala sila’y mahatag nga bisan unsa nga kasayuran kalabot niini.
Siya miingon nga sketchy report lang ang mikaylap apan wala direktang magtumbok kabahin sa gidangatan ni Malaya kinsa nagsilbing dakong opisyal sa CPP-NPA nga naglihok sa Caraga region.
Sa pagkakaron, padayong gihulat sa higher headquarters ang tukma nga impormasyon alayon niini.
Hisayrang si Ka Oris unang napatay sa operasyong-militar sa Sitio Gabunan,Brgy Dumalaguing,Impasug-ong,Bukidnon niadtong Oktobre 30,2021.
