CAGAYAN DE ORO CITY, Philippines – Masaligon si Senador Wyn Gatchalian nga dili musundog si Atty Harry Roque kang Guo Hua Ping alyas Alice Guo.
Gihimo ni Gatchalian ang pamahayag dungan sa pagkondinar sa Bureau of Immigration sa ilang pagka-inotil aron barahon ang biyahe ni Roque padulong sa United Arab Emirate (UAE).
Namugos si Gatchalian nga imposible nga wala mabantayan sa BI officers ang paggawas sa kanhi Presidential Spokesperson ubos sa Duterte Administration.
Gisaway ni Gatchalian ang dakung kurapsiyon sulod sa BI gumikan kay imposible nga makagawas sa nasud ang nasampit nga abogado gamit ang barko.
Ang Committee Chair sa Ways and Means sa senado, maoy nangulo sa imbestigasyon sa ilegal nga katukuran sa Philippine Offshore Gaming Operations (POGO) hubs sa central Luzon, kundiin nalambigit si Roque sa pag-assister sa mga dokumento nga gihuptan ni Cassandra Ong aron tul-iron ang mga pinansiyal nga obligasyon sa Lucky South 99 Corp, usa ka POGO hub nga gitukod sa Porac Pampanga.
