CAGAYAN DE ORO CITY, Philippines – Milanding sa ika-unom nga puwesto si Elreen Ando sa pagtak-up sa 59kg event sa weigthlifting, kagabie.
Mirehistro ang pinay lifter sa sumada nga 230 kgs, gikan sa iyang pagsakwar sa 100 kgs snatch ug 130 kgs clean and jerk.
Kini na ang bag-ong personal nga rekord ni Ando.
Hisayran nga naabtan pa siyag duha ka attempts ayha milampos sa 100 kg snatch, apan, napakyas kini sa alang sa iyang ikatolong attempt sa 102 kgs.
Si Ando maoy naghupot sa pinakamataas na ranking na weightlifters, dihang iyang naka-atbang si Olympic gold medalist Hidilyn Diaz sa 2024 IWF World Cup niadtong Abril.
Nagsilbing gold medalist sa 59kg event ang representante sa China nga si Luo Shifang, human iyang nasakwat ang kinatibuk-ang 241kg.
Napukan ni Shifang ang defending Champion sa 2020 Tokyo Olympics nga si Chinese Taipei’s Kuo Hsing-chun, kinsa mi-alsa sa kinatibuk-ang 235kg ug nakuha ang medalyang bronse.
Ang beterano nga representante gikan sa Canada nga si Maude Charron, ang milanding sa ikaduhang spot human siya misakwat sa kinatibuk-ang 236kg.
Hisayran nga sa milabay’ng 2020 Tokyo Olympics si Charron maoy nagkampeon sa 64kg division sa weightlifting.
