Gipadayag ni Dr. Elvin R. Tecson, Vice President for Academic Affairs ug Medical Director sa Adventist Medical Center Valencia, nga adunay pito ka common sins nga kasagarang ginabuhat sa tawo nga mahimong hinungdan sa hypertension, diabetes ug uban pang seryosong balatian.
Sa interbyu sa Bombo Radyo, miingon si Tecson nga lakip niini ang panigarilyo, pagβinom og makahubog nga ilimnon, pagkaon nga puno sa saturated fats, sobra nga asin, sobrang asukal, sedentary lifestyle, ug stress.
Kini tanan makapahinay sa maayong paglihok sa lawas ug makadaot sa mga ugat ug kasingkasing.
Dugang pa niya, ang panigarilyo ug pagβinom og makahubog nga ilimnon makapataas sa blood pressure, samtang ang tambok, parat ug tamβis nga pagkaon mahimong mosangpot sa pagbara sa ugat, katambok ug diabetes.
Gipasiugda usab niya nga delikado ang sige og lingkod ug kakulang sa lihok kay makapahinay sa sirkulasyon sa dugo, samtang ang padayon nga stress makapataas sa blood sugar ug presyon.
Tungod niini, giβawhag ni Tecson ang publiko nga usbon ang estilo sa panginabuhi, bantayan ang pagkaon, magβehersisyo ug husto, ug likayan ang maong pito ka batasan aron mapanalipdan ang panglawas.
