CAGAYAN DE ORO CITY – Midoble ang singil sa pletehan sa barge gikan Balingoan port, padulong sa isla sa Camiguin.
Kini ang gikompirmar ni Camiguin Provinvial Disaster Risk Reduction and Management Council Execituve Chief Jejomar Bollozos sa pakighinabi sa Bombo Radyo Cagayan de Oro.
Namahayag si Bollozos nga gikan sa 120 pesos misaka pa sa kapin 220 pesos ang plete sa barge sa bulan sa Abril.
Nagtoo si Bollozos nga usa kini sa mga hinungdan nga nagminus na ang ihap sa mga local tourist nga gabisita sa isla.
Unang gibutyag ni Bollozos nga nangitag pamaagi ang ilang konseho aron mapugngan ang nagsamot ka taas nga singil sa pletihan sa mga shipping lines padulong sa ilang isla.
