CAGAYAN DE ORO CITY – Gisusi ni Israeli Prime Minister Benjamin Netanyahu ang soccer field sa Majdal Shams nga gipaluparan sa missile sa Hebollah Group nga nakabase sa utlanang bahin sa Golan Heights, Israel.
Gikonsiderar ni Netanyahu nga terrorismo ug pagguba sa kalinaw ang tumong sa grupo. Dumduman nga gi ‘timing’ ang pag-atake, dihang nangatubang si Netanyahu sa United States Congress aron mangayog dugang suporta alang sa iyang kampanya batok Hamas Militants.
Sa linoog nga insidente, 12 ka mga bata ug menor-de-edad ang nakabsan gikan sa kamot sa ‘terror organization’ sa Lebanon.
Human gilusad ang state funeral alang sa mga biktima, dungan nga misaad sila Netanyahu ug Israeli Defence Minister Yoav Gallant nga singlon ang kadagkuan sa Hezbollah sa ilang pagpatay sa mga inosente.
Una niini, personal nga gitabo sa Primo Ministro pamilya sa namatyan ug mipasalig nga hatagan sa pinansiyal nga ayuda, dungan sa iyang pagpadangat sa sinsiro nga pahisubo.
