CAGAYAN DE ORO CITY – Molugwa na sa computerized facial sketch ang tracker team sa Cagayan de Oro City Police Office kabahin sa ilang gitudlo nga person of interest pagpatay sa contestant sa Mr. Cagayan de Oro nga si Adrian Fornillo diha sa 13th Street,Brgy Nazareth sa syudad.
Kini human nasubay na sa mga imbestigador ang footages sa CCTV camera nga nakatutok sa mga armadong suspek nga nasakay lang sa bau-bao samtang mihimo sa kremin.
Miingon si COCPO spokesperson Police Lt Col. Evan Viñas nga itugyan nila sa PNP Anti-Cybercrime Unit 10 ang CCTV footages aron mas maklaro ang mga hitsura sa mihimo pagpatay sa biktima.
Bangi sa giapilan nga pageant ug hayan personal nga atraso ang tipik lang sa gitan-aw nga anggulo sa kapolisan kabahin sa hitabo.
Hisayrang si Fornillo ang naigo sa iyang ulo hinungdang pila ka oras lang kining naatiman sa mga doktor sa Northern Mindanao Medical Center sa miaging kadlawon.
