CAGAYAN DE ORO CITY, Philippines – Gipaniguro sa liderato sa Philippine National Police nga walay ‘whitewash’ sa matigom nga ebidensya sa subling pagbukas sa imbestigasyon sa “allege’ summary killings nga gikalambigitan sa kapulisan samtang gilusad ang ‘war on drugs campaign’ sa kanhi administrasyon ni Presidente Rodrigo Duterte.
Gibutyag ni PNP Chief Rommel Francisco Marbil nga nagpagawas na sa direktiba ang Kampo Krame aron mugnaon ang komite nga mangunay sa re-investigation subay sa rebelasyon ni retired police colonel Royina Garma.
Prayoridad nga sil-ipon sa mga imbestigador mao ang mga naimplikar o na-nganlan nga mga pulis ni Garma.
