CAGAYAN DE ORO CITY, Philippines – Gi-rebyu sa Philippine National Police ang mga pasiliya nga gamiton ug subayon sa pagdeploy sa security details para sa mga tag-as nga opisyal sa gobyeno.
Kagahapon, human mihungaw ang sulat pamahayag sa Office of the Vice President, gilayong gimando ni PNP Chief
Gen. Rommel Francisco Marbil ang paghatag sa tukmang sukdan kung pila ang ihap nga angay ihatag nga mga police escorts gikan sa ilang Police Security and Protection Group (PSPG).
Subli, gipamugos ni Marbil nga mas prioridad sa iyang liderato ang paghatag sa police escort sa mga indibiduwal o personalidad nga dunay taas nga bahad sa kinabuhi, ug security deployment sa mga pampublikong lugar aron lapad ang mahatag nga serbisyo sa kapulisan, ug dili lamang makatutok sa usa.
Una niini, gisulayan sa Bombo Radyo nga pangayuan sa direktang reaksiyon si Marbil sa pagtawag kaniya ni Bise President Sara Duterte nga ‘bakakon’, apan nagdumili kini sa pagkomento.
