CAGAYAN DE ORO CITY – Gikonsiderar sa kapolisan ang anggulo sa politika ug pag-inilogay sa yuta kon nganong gipangpusil-patay ang duha ka brgy konsehal sa ominorog,Talakag,Bukidnon.
Kini human unang giakusar ni Dominorog Brgy Kap Judith Ocum nga kabahin sa ancestral domain claimant si Kag Mauricio Guinto sa ilang lugar.
Miingon si Talakag Police Station deputy commander Lt Rommel Pagara nga wala usab nila wad-a ang politika ilabina nga unang gi-reklamo sa pito ka brgy kagawad si Ocum nga dili gatunga sa ilang semana nga sesyon.
Giapil usab sa pag-imbestigar sa PNP ang report nga pakyas paghatag sa upat ka bulan nga honorarium sa mga brgy kagawad.
Gikonsiderar sa kapolisan nga posibleng hinimuan sa gun for hire o iya sa rebeldeng NPA ang pagpatay sa duha ka brgy officials.
Samtang giangkon ni Ocum nga nadugangan ang iyang kabalaka sa seguridad sa Talakag,Bukidnon.
Kini human si Ocum nakadawat siya’g impormasyon nga gidugangan sa P300-mil ang patong sa iyang ulo aron ipapatay sa ilang mga kontra.
Gihimo niini ang pagbulgar ilabina nga una nang gipatay ang iyang bana nga si Datu Bulbulaton Gabriel Ocum sa wala mailang mga suspek sa tuig 2019.
Gitumbok sa opisyal nga ang nagka-konsabo nga mga bandido ug NPA rebels ang mitinguha sa iyang kamatayon apan sila si Kag Mauricio Guinto Kag Lorenzo Pedyaan ang napahimuntang sa mga suspek sa miaging buntag sa Lunes.
Samtang giawhag ni Talakag ABC President Amando Noble III si Ocum nga mag-request sa security assistance alang sa ilang lugar.
Kini alayon na sa nahitabong pagpamusil sa ilang lugar nga gikamatay sa duha ka brgy kagawad.
Gikondinar ni Noble ang pagpatay kang Pedyaan ug Guinto diin iyang gitoohan nga hinimoan kini sa mga rebeldeng New Peoples Army o NPA.
Una nang gikakurat ni Noble ang shooting kamatayon sa duha ka biktima ilabina nga malinawon kini nga lugar.
