Emosyonal nga nagpasalamat si kanhi Overseas Filipino Worker (OFW) Mary Jane Veloso kang Presidente Bongbong Marcos Jr ug sa mga ahensya nga mitabang kaniya nga malimpyuhan ang iyang ngalan.
Kagahapon, hingpit nga nadawat ni Veloso ang dokumento nga nagpamatuod sa pagtunol ni President marcos sa iyang absolute pardon.
Una niini, gihulagway sa kanhi detained OFW nga gitubag sa labaw nga makagagahum ang iyang 16 katuig nga pag-antos sulod sa priso sa langyaw nga nasud.
Kauban sa paghatag sa pardon, nakita subli ni Veloso ang tibook niyang kabanay.
Mahinumduman nga si Veloso gibilanggo sa nasud sa Indonesia human nasapon sa tugpahanan sa Yogyakarta nga misulay kini’g pasulod sa ilegal nga druga tuih 2010.
Gipamugos ni Veloso nga dili iya ang bagahe ug igo lamang siya gipahatud niini Indonesia kay gisaaran sa iyang kaubang OFW nga hatagan sa trabaho sa Malaysia.
