Kung kahakog sa gahum ang hisgutan, paspas mupirma si Presidente Bongbong Marcos. Kini ang reaksiyon ni Wilson Amad, Convenor sa Peoples Constitution Initiative Reforms sa interbyu sa BOMBO RADYO.
Miingon si Amad nga “expected” na nila nga pirmahan kini ni Marcos kay tataw na ang iyang laraw nga magpahumot sa mga barangay officials ug makapadani sa daghang pagsalig kaniya.
Una niini, gisaway usab ni Amad ang pagkamaot sa prinsipyo sa kasamtangang administrasyon tungod kay kung pa-usbaw sa suhulan sa mga mamumuo sa pribadong sektor ang hisgutan halos wala kini tagda ni Marcos.
