CAGAYAN DE ORO CITY, Philippines – Mi-os-os pa sa tag 20 pesos ang singil sa matag kilo sa bugas sa Cogon Public Market. Gi-anunsyo kini ni Cogon United Market Vendor Association (CUMVA) President Franklin Dagcuta sa Bombo Radyo.
Miingon si Dagcuta nga daku ang natabang sa gipakanaug nga MSPR o Manufacturer’s Suggested Retail Price nga hugot nga gibantayan sa Department of Trade and Industry (DTI).
Gumikan niini, ang usa ka kilo nga bugas sulod sa Cogon mapalit na sa tag 34, isip pinaka barato, ug 45 ang pinakamahal.
Namugos si Dagduta nga imposibli pa nga mahimong tag 20 pesos ang bugas kay mudepensa ang presyo niini sa farm gate price ug pagsaka-naug sa presyo sa lana sa world Market.
Hinoon, gibutyag ni Dagcuta nga kung gusto sa mga konsumidor sa mas barato pa nga bugas, mahimo silang mupalit sa NFA Rice sa mga Kadiwa Stores sa DSWD nga nagkantidad lamang sa 29 pesos per kilo.
