CAGAYAN DE ORO CITY – Wala wad-a sa Police Regional Office 10 ang posiblidad nga mohimo’g sympathy attacks ang mga nabiling mga sakop sa Communist Party of the Philippines- New People’s Army o CPP-NPA nga naglihok dinhi sa Northern Mindanao.
Kini ilabina nga may mga sub-regional committee pa nga naglihok sa Misamis Oriental ug Bukidnon nga ubos sa kamanduan sa namatay nila nga kumander nga si Myrna Sularte alyas Maria Malaya.
Miingon si PRO 10 spokesperson Major Joann Navarro nga may kamanduan na ang Kampo Alagar kon unsay angay buhaton sa lower units batok sa posibleng opensiba sa mga rebelde.
Hisayrang kabahin ang pipila ka municipal police stations ug govt installations nga madali-dali birahan sa NPA combatants kon adunay pagpasagad ang kagamhanan.
