Posibleng mu-abot sa P1.5 bilyon ang giingong dili mapatin-aw nga bahandi ni Vice President Sara Duterte gikan 2022 hangtod 2025, sumala sa prosecution forensic accounting expert nga si Alexander Cabrera.
Subay sa nagpadayong hearing sa Senado sa impeachment trial niadtong Lunes, giingon ni Cabrera nga mas taas kini kumpara sa P817.87 milyon nga iyang natumbok gikan sa orihinal nga record nga naggamit sa konserbatibong pagtansiya.
Iya usab gilamdagan nga ang P1.5 bilyon posibleng labing taas nga estimate ug dili pa kini pinal nga resulta.
Giangkon usab ni Cabrera nga kinahanglan kunhuran ang mga angay nga obligasyon o liabilities, lakip na ang wala pa nabayrang buhis, aron matino ang aktuwal nga kantidad.
Hisayran nga ang pahayag ni Cabrera maoy bahin sa iyang testimonya sa mga alegasyon sa dili husto nga pagdeklarar sa mga kabtangan ug wala gipatin-aw nga bahandi batok sa Bise Presidente, nga hangtod karon wala pa’y pinal nga pagtino sa eksaktong kantidad.
