Nakaandam na ang Prosecution Panel nga i-cross-examine ang testigong i-presenta sa kampo sa depensa sa pagpadayon sa impeachment trial ni Vice President Sara Duterte sa Nobyembre 9.
Matud ni Lead Prosecutor ug Batangas 2nd District Representative Gerville Luistro, gitun-an na nila ang mga dokumento nga gisumite sa depensa aron makapangandam og mga pangutana bahin sa financial records ug sa matud pa unexplained wealth sa magtiayon.
Lakip sa mga dokumento nga ilang gisusi kay ang SALN, income tax, returns, bank records, ug mga dokumento sa ilang mga negosyo.
Mahinumdoman nga una nang gibutyag sa prosekusyon nga dunay giba-banang 817.87 milyon pesos nga wala gideklarang bahandi ang Bise Presidente ug ang bana niini nga si Atty. Manases Carpio gikan sa tuig sa 2022 hangtud sa 2025 nga hugot nga gipanghimakak sa kampo sa depensa.
Dugtong niini, gipadayag usab sa kongresista ang ilang kaandam sa pag-cross-examine ko ugaling motestigo ang Bise Presidente ug ang bana niini. (raniel mahunyag)
