NAMAHAYAG si Atty. Oscar Moreno, kanhi mayor sa Cagayan de Oro, nga ang desisyon sa Senado kaniadtong 2000 nga dili ablihan ang ika-duhang envelope mao’y nakapahugno sa katawhan ug nakapadagan sa EDSA-Dos, ug giingon nga ang pagpagawas sa bank deposits supak sa Republic Act 1405 gawas kon ang depositor mohatag og pagtugot o adunay impeachment complaint.
Para kang Moreno, kung seryoso ang administrasyon sa pag-impeach kang Bise Presidente Sara Duterte sama sa nahitabo kang Estrada, mahimo nila kini tungod kay anaa sa ilang panig ang mayorya sa Senado.
Apan, posible nga makababag ang publiko tungod sa negatibong reaksiyon, labi na sa mga isyu sa anomalya sa flood control projects nga hinay-hinay nang natabonan sa impeachment.
Ang impeachment complaint karon kay nalambigit sa kapin P600-milyon nga confidential funds, itandi sa trilyon-trilyong gasto sa flood control projects. (Phillip Ariata)
