Nagsubo ang tibook Philippine National Police (PNP) sa gidangatan sa usa ka pulis nga gidumbol sa usa ka pribadong sakyanan, samtang mihimo police check operation sa Misamis Occidental.
Giila ni PNP Chief Melencio Nartatez Jr ang namatay nga si Police Senior Master Sergeant Shelvib Cuajao Cabug sa Misamis Occidental-PNP.
Gipasidunggan si Cabug ni Nartatez kay namatay kini samtang nagserbisyo sa katawhan sa Pilipinas.
Gipahayag ni Nartatez nga ang PNP magpadayon sa pag-uban sa pamilya ni Cabug sa panahon sa ilang kasubo.
Ang Focused Agenda sa PNP nagpunting sa mas luwas nga operasyon ug suporta sa mga personahe aron malikayan ang susamang insidente.
