CAGAYAN DE ORO CITY, Philippines– Giprangkahan sa Santo Papa ang miyembro sa prensa kalabot sa iyang tubag kung kinsa ang angayan botaran tali ni US Vice President Kamala Harris ug ni Former US President Donald Trump nga pulos nangambisyon nga mahimong sunod nga presidente sa Amerika.
Samtang nagsakay sa abyon pabalik sa iyang opisyal nga puy-anan sa Roma, namahayag ang santo papa nga wala siyay mapili sa duruha. Hinoon, iyang gi-apelar ang mga Kristiyanong Botante nga pilion ang kandidato nga gamay’ng sala o lesser evil.
Unang namahayag ang amahan sa The Holy See nga ang pulos nagbaton sa makauulaw nga taras ang duruha tungod kay ang usa, iladong tigpatay sa mga imigrante, ug ang usa, uyon sa abortion.
