CAGAYAN DE ORO CITY – Kasuhan sa pagsupak sa Philippine Fisheries Code of 1998 ang 11 ka tawo nga nadakpan sa pagpalusot sa 8-mil kilos nga giant clams o ‘taklubo’ diha sa Koresco Checkpoint,Brgy Lumbia ning syudad.
Nasita sa mga otoridad ang trak nga kargado sa taklubo nga ihatod unta sa mga suspek ngadto na sa nag-order kanila.
Giila ni City Mobile Force Company commander Lt Col Alexy Sonido ang mga suspek nga sila si Diosdado Abellana,29 anyos nga taga-Brgy Mambuaya ning syudad;Ronel Pilarca,30 anyos;Christhoper Pornia,28 anyos gikan sa Quezon nga pulos taga-Bukidnon;Ricky Sunogan,50;Larry Salvan,45;Arnel Sanchez,49;Peterson Suan,55;Ricky Allones,35;Jed Ragmac,29;Ramil Villagracia,19 ug Michael Paler,24 nga pulos gikan sa nagkadaiyang lungsod sa Misamis Oriental.
Dugang pa ni Sonido nga gikustodiya una sa Lumbia Police Station ang mga suspek samtang gihikay ang kasong ipasaka batok kanila sa piskalya ning semanaha.
