Gitubag na ni Presidente Ferdinand Marcos Jr ang dugay nang pangutana sa publiko kung nganong hangtud karon wala pay mga tag-as nga opisyal nga nakasuhan sa Ombudsman kalabot sa kurapsyon sa pondo sa flood control projects sa Department of Public Works and Highway (DPWH).
Kagahapon, miingon si Marcos nga nasampolan na sa gobyerno ang pagpagawas sa arrest oder sa kasong graft batok Senador Jinggoy Estrada.
Human madawat sa senador ang kamanduan, mideritso kini sa hukmanan ug nagbayad sa piyansa alang sa iyang temporaryong kagawasan.
Atol sa iyang pagtubag sa pangutana prensa, gipakita ni Marcos nga nasayud siya sa dagan sa mga kaso ug gikompirmar nga nahinabi niya si Ombudsman Jesus Crispin Remulla kalabot sa arrest order ni Estrada.
Miabiso ang presidente sa tanan makasuhan ug mapagawasan sa mandamiento-de-aresto nga atubangon ang kaso total kung dili sad-an, mahimo man kining pamatud-an pinaagi sa hearing ilusad sa korte.
