Alarming na ang sitwasyon sa pagkuyanap sa Ebola Virus sa Democratic Republic of Congo. Kini ang gibutyag sa World Health Organization (WHO), subay sa ilang lab-as nga assessment.
Maoy napasamot sa kalisud ang internal nga konflikto sa nasud nga gipanguluhan sa mga rebelde.
Miingon si WHO Director-General Tedros Adhanom Ghebreyesus nga nagkinahanglan sa dugang pondo ang nasud, aron paspas nga mabatukan ang epidemya.
Kini maoy panawagan ni Ghebreyesus sa “international communities” nga tabangan ang naglisud nga nasud aron, dili kini mutabok sa ubang kanasuran. Hisayran nga gitratar ang Ebola isip usa sa labing delikado nga bayrus nga paspas mukutlo sa kinabuhi sa tawo.
Ang bayrus nagsumikad sa mga onggoy.
Sa pagkakaron anaa na sa 900 ka tawo ang “suspected cases”, ug wala pa nagpagawas sa lab-as nga ihap sa mga nakabsan.
