CAGAYAN DE RO CITY – Patay ang giingong babaye nga suspected bomber dihang gi-atake niini ang checkpoint sa militar sa Sulu.
Miingon si Western Mindanao Command spokesperson Major Arvin Encinas nga kalit midool sa mga sakop sa 35th Infantry Battalion nga nagbantay sa checkpoint ang maong babaye.
Apan, makalabay ang pipila ka segundos kalit nahitabo ang pagbusikad ug walay sakop sa militar ang namatay.
Padayon nga giila sa kapulisan ang identity sa namatay’ng babaye ingon man motibo sa gihimo niini nga pagpangatake.
Hisayran nga nahitabo ang pagbusikad dihang gibombahan ang merkado sa Isulan, Sultan Kudarat nga gikaangol sa pito ka sibilyan.
Una nang giangkon sa Islamic State militant group nga sila ang responsable sa Sultan Kudarat attack.
