CAGAYAN DE ORO CITY – Dead on the spot ang usa ka miyembro sa Cafgu Active Auxiliary (CAA) dihang gipusil sa wala mailang suspek diha sa may Purok 1, Kibongkog San Fernando,Bukidnon.
Giila ang biktima nga si Rene Salagay, 35-anyos, ug residente sa maong dapit.
Sa ekslusibong pakighinabi sa Bombo Radyo, giangkon ni 88th IB,PA commanding officer LTC Franklin Fabic nga ilang sakop ang gipatay nga CAFGU.
Siya miingon nga gipusil kini samtang padulong mamista sa balay sa iyang igsoon gamit ang .45 kalibre nga armas.
Nakaangkon ang biktima sa samad pinusilan sa iyang ulo nga maoy hinungdan sa iyang kamatayon.
Padayon pa ang imbestigasyon kung kinsa ang responsable sa krimen ug motibo sa pagpatay sa biktima.
