CAGAYAN DE ORO CITY- Gawasnon na ang magsoong Irish ug Richelle Manaig nga unang gidakop dihang gi-ronda sa kapolisan ang lider sa Fajardo Criminal Group diha sa Brgy Lumbia ning syudad.
Miingon si Atty Rey Raagas, legal counsel sa mga magsoong akusado nga nakapiyansa ang iyang mga kliyente batok sa usa na lamang ka kaso gipasaka sa piskalya.
Apan masaligon si Raagas nga mabasura gihapon ang kaso batok sa iyang mga kliyente kay wala sila’y kalabutan sa sindikato nga gikalambigitan sa mga napatay nga sila si Marvin Fajardo, Andrew Valdez Redondo ug usa ka alias Adrian.
Una niini,nagtoo si Raagas nga may foul play sa kamatayon ni Fajardo kinsa nagpaila usab nga Patrick Go ilabina nga maglisod na kini’g lihok gumikan sa gihambing sakit nga polio.
Samtang, nagdumili na paghatag tubag si Criminal Investigation and Detection Group-10 regional director Police Col Reymund Ligudin sa akusasyon nga adunay foul play sa ilang operasyon.
Igo lamang gikataw-an ni Ligudin ang pasangil ug namahayag nga ila na lamang isalig sa korte ang paghukom.Gani, nagdumili na sa Ligudin pagpaggawas pahayag sa dugang kalambuan sa kasong ilang gipasaka batok sa magsoong Manaig.
