CAGAYAN DE ORO CITY – Gipatay sa rebeldeng New Peoples Army o NPA ang miyembro sa Cafgu Active Auxiliary nga nakabase sa 88th IB, Philippine Army sa Purok 1, Brgy Kibongkog,San Fernando Bukidnon.
Gibutyag ni 88th IB commanding officer Lt Col Franklin Fabic nga kalabutan sa trabaho ang motibo sa pagpusil-patay sa biktima nga si Rene Salagay, 35-anyos ug residente sa maong dapit.
Siya miingon nga gipusil ang biktima gamit ang .45 kalibre nga armas samtang padulong sa balay sa iyang igsoon aron mamista. Nakaangkon ang biktima sa samad pinusilan sa ulo nga maoy hinungdan sa iyang kamatayon.
