Gikuwestiyon ni Davao City 2nd District Rep. Omar Duterte ang Senate Impeachment Court human daw sama na kini sa impeachment circus nga gihuptan sa mga opisyales sa gobyerno nga tataw ang tumong sa pagpalagpot kang Bise Presidente Sara Duterte. Sa ilang pagbisita sa ilang apohan sa The Hague, Netherlandsm iyang gibutyag nga wala sila nahimoot sa dagan sa proceedings sa kaso sa iyang iyaan tungod kay gi-usab man nila ang nakalatid sa balaod.
Dugtong niini, gibutyag ni Duterte nga malipayon ang iyang apohan nga si kanhi Presidente Rodrigo Duterte nga padayong nagpatim-aw ang iyang mga supporters sa gawas sa gambalay sa International Criminal Court (ICC). Gipadangat sa kanhi presidente ang iyang kabalaka sa mga nag-standby sa dalan nga hangtud karon, kapin 500 na ka adlaw silang naglaum nga siya makita ug makagawas na sa prisohan
