Gihatagan og stern warning sa Senate Impeachment Court si House Prosecutor ug Bicol Saro Partylist Representative Terry Ridon kalabot sa show cause order nga gipagawas sa korte.
Subay sa ruling nga gipagawas sa Impeachment Court, usa ka grabeng pasidaan ang gihatag batok kang Ridon tungod sa nahimong kalapasan niini sa sub judice rule.
Sa maong desisyon, gipahinumdoman si Ridon nga likayan ang mga pahayag nga mamahimong makaapekto sa paghusay ug nagpasidaan usab kini og mas bug-at nga mga silot.
Sa laing bahin, gikumpirmar ni Ridon nga nadawat niini ang maong stern warning ug miingon kini nga ipadayon gihapon niya ang iyang tahas isip lead prosecutor sa article II o unexplained wealth sa impeachment trial sa Bise Presidente. (raniel mahunyag)
