Personal nga nabuking ni Vice Pres Sara Duterte nga adunay hilom nga plano si Speaker Martin Romualdez nga modagan pagka-presidente sa tuig 2028.
Apan wala kaayu kini hatagi’g gimbug-aton ni VP Sara kaniadto kay manag-kaalyado pa sila ni Pres Bongbong Marcos ug mismo ni Romualdez.
Apan mas midako ang interes ni Romualdez nga maoy gustong mahimo nga sunod nga presidente kay gigamit nga isyu batok kaniya ang paggamit sa mga pondo sa confindential funds sa Office of the Vice President ug Dept of Education.
Dumduman nga dihang gibulgar ni VP Sara ang pipila sa giingong mga kahiwian ni Romualdez, mitubag usab kini sa mga isyu ug gihimakak nga aduna siya’y plano pagdagan sa 2028 presidential elections.
