Patay nang napalgan ang 80-anyos nga tagbalay human masunog iyang puy-anan sa Adela, Camaman-an ning syudad, kaganinang buntag.
Naila ang biktima nga si Eddie Del Rosario kinsa gitoohang suffocate kay wala nakagawas sa iyang nagdilaab nga balay.
Namahayag ang Bureau of Fire Protection nga misaka pa sa 2nd alarm ang sunog ug midamyos sa gibana-bana ₱125,000.
Hisayran nga napalgan ang biktima sulod sa iyang CR tapad sa gripo, diin posibleng mitago siya tungod sa tubig, human mosulod pagbalik sa balay aron kuhaon ang butang.
Sa pagkadako sa kalayo, na-trap siya sa ikaduhang andana ug nakuha ang iyang lawas sa mga personahe sa CLENRO.
