CAGAYAN DE ORO CITY – Napul-an na’g paminaw si Bukidnon 2nd district Rep. Jonathan Keith Flores sa mga pasalig ni Atty Harry Roque nga mupatim-aw sa Quadrupole Committee ug sa pagsaad nga ipresentar ang mga dokumento nga magpamatu-od sa iyang pagka-inosente ug walay kalambigitan sa POGO Operations sa Central Luzon.
Unang gikondinar ni Batangas 2nd dstrict Rep. Gerville “Jinky Bitrics” Luistro ang mga pasi-atab ni Roque sa social media nga dili in-aid of legislation ang pagdungog sa kamabarabaha ug nagmanipular lamang kini sa pagdagmal sa iyang imahen.
Gisupak ni Luistro ang pahayag ni Roque ug gibasura ang motion to quash nga gi-apelar ni Roque.
Tungod sa hitabo,subli gi-cite incontempt ni Congressman Flores si Roque, base sa duha ka rason.
Una, pagsupak ni Roque sa Section 11(d) of the House Rules of Procedure Governing Inquiries in Aid of Legislation.
Ikaduha, ang kapakyasan ni Roque nga mapakita sa publiko ug sa mga magbabalaod ang iyang gisampit nga mga dokumento sa milabay’ng hearing ug pagcomply sa subpoena.
Gumikan niini, subling arestohon si Roque ug mapaslak sa detenstion facility sa Kongreso. (Bombo Anne Quileste).
