CAGAYAN DE ORO CITY- Gipa-esplikar na sa Roads and Traffic Administration o RTA ang ilang personahe nga gikalalis ang driver sa ambulansya nga may karga nga pasyente aron dad-on sa ospital ning syudad.
Kini human nag-viral ang video sa paglalis nila ni RTA enforcer Lee Bersano ug ambulance driver Alvin Carlos sa wala pagsinabot sa balaod-trapiko diha sa Recto-Osmeña junction ning syudad.
Miingon si RTA head Engr Nonito Oclarit nga hulaton nila ang tubag ni Bersano ayha mohimo’g hukom kon angay ipabilin o paphaon sa trabaho gumikan sa hitabo.
Una niini,giingong miinit ang ulo ni Carlos dihang gihapak ni Bersano ang ambulansya hinungdan nga sila nagka-lalis sa wala pagsinabot niadtong miaging semana.
Samtang kumbinsido si LTO regional director Manuel Manaloto nga dunay kasupakan ang RTA enforcer sa paglangan-langan sa ambulance driver aron unta mahatopd ang pasyente sa ospital ning syudad gikan sa Misamis Oriental.
Kini kon mapamatud-an nga dunay kasaypanan ang RTA enforcer nga si Lee Bersano sa pagpatuman sa balaod-trapiko diin nag-agi ang abulansiya diha Recto-Osmeña junction sa syudad sa miaging semana.
Miingon si Manoloto nga dili angay kalimtan sa traffic law enforcers nga kon panahon sa emerhensiya,dili angay langay-langayon ang mga sakyanana sama sa police patrol,bombero ug ambulansya.
Hinoon,gisalig sa LTO sa RTA ang pag-imbestigar sa hitabo kon kinsa ni Bersano ug Alvin Carlos ang dunay kakulangon sa maong hitabo.
