Nagpahimangno ang Department of Health (DOH) sa publiko batok sa mga sakit nga posible makuha sa baha tungod sa padayon nga pagbundak sa ulan, ilabe na sa Metro Manila, ug sentral Luzon.
Sa exclusive interview sa BOMBO RADYO kang DOH Assistant Secretary ug Spokesperson Dr Albert Dominggo, siya mi-ingon nga kung dili malikayan ang paglugsong sa baha, kinahanglan musul-ob sa botas ug maghugas dayon sa lawas gamit ang limpyo nga tubig ug sabon.
Gipasabot ni Domingo nga mahimo usab mudool ang publiko sa mga health center clinics aron makapangayog tambal nga mubatok sa liptospirosis sama sa doxycycline.
Miapelar ang DOH sa mga nabahaan nga mupatuman sa dugang proteksyon sa panglawas ilabe nga daghang sakit ang makuha sa mga kontaminadong tubig.
Gihangyo sa ahensya ang mga nagpuyo sa evacuation centers nga magsul-ob sa facemask aron malikayan ang tinakdanay sa sakit sama sa ubo ug sip-on.
