CAGAYAN DE ORO CITY, Philippines – Napakyas si Pope Francis sa pagselebrar sa santos nga misa alang sa Miyerkules sa Badlis didto sa Roma.
Nunot kini sa iyang double pneumonia ug kasamtangan lamang nagpahulay sulod sa Gemilli Hospital.
Segun sa opisina sa The Holy See, gipadala ang iyang mensahe sa Basilica of Santa Sabina sa Roma, ug kini gibasa ni Cardinal Angelo De Donatis, ang Major Penitentiary sa Apostolic Penitentiary.
Unod sa iyang homily ang padayong pag-ampo para sa kalinaw sa tibook kalibutan, ilabe sa Ukraine, ug pag-ampo alang sa mga nagmasakiton. I
yang gi-agak ang tanan Kristiyano nga dili undangan ang pagbaton sa paglaum ilabe sa daghang mga pagsulay ug mangayog pasaylo sa tanan sala kay gikan sa abog, mubalik ra gihapon ang tawo sa abog.
Taliwala sa kahuyang sa iyang pamati, gibutyag sa Vatican News nga padayong alerto ang Santo Papa sa iyang responsibilidad sa Simbahang Katolika
