Giaprobahan na sa House Committee on Energy ang substitute bill alang sa gisugyot nga “Sariling Kuryente Act.”
Tumong sa maong balaodnon nga pasayonon ang pag-instalar ug paggamit sa solar power ug mga sistema sa pagtipig og enerhiya sa mga panimalay.
Gilauman nga makatabang kini sa pagpaubos sa gasto sa kuryente sa mga konsumidor ug pagkunhod sa pagsalig sa kasamtangang power grid.
Kon mahimong balaod, usbon niini ang Republic Act No. 9136 o Electric Power Industry Reform Act of 2001 (EPIRA). Apan, ang pag-apruba sa komite dili pa nagpasabot nga nahimo nang balaod ang maong sugyot. (jane abulag)
