Gipamugos ni Senator-judge Bam Aquino nga kinahanglan masayran ang tinuod nga papel ni Vice President Sara Duterte sa GenCorp Industries Inc.,
Kini human iyang giapil mismo sa iyang 2024 ug 2025 SALN ang nasampit nga kompanya.
Sumala sa Security and Exchange Commission (SEC) witness – Atty. Gerardo Del Rosario, wala makita ang ngalan ni Duterte sa General Information Sheet (GIS) sa GenCorp, busa dili matino ang eksaktong papel niini sa kompanya.
Gipangutana usab ni Aquino ang depensa pinaagi ni Atty. Justin Gular, kalabot sa gihuptang posisyon o kalambigitan ni Duterte sa kompanya, apan nagdumili ang abogado sa paghisgut niini tungod kay anaa pa sa premature stage ang hearing ug ang “burden” of proof wala sa ilang puder.
Una niini, miingon si Del Rosario nga ang mga corporate officer sa GenCorp sama ni President Kimberly Justin Y. Cruz, Treasurer Ritchie Evet L. Cruz, ug Corporate Secretary Girley S. dela Cruz mahimong makahatag sa klaro nga impormasyon bahin sa papel ni Duterte.
