“Pasidaan” ang tonada sa pahayag nga gipalanog senador Risa Hontiveros batok sa mga senador nga mahimong sikopon kung hisgutan ang isyu sa accountability sa nahitabong extra judicial killings (EJK), dihang milingkod isip pangulo si Rodrigo Duterte sa Pilipinas.
Gitin-aw ni Hontiveros nga ang punto nilang duruha ni Senate President Tito Sotto III, nagpunting sa tradisyon nga dili mahimong sikopon ang senador samtang sila kamolo sa pagsesyon.
Apan gitin-aw usab niini nga kung bug-at ang salaod sa mga nalambigit nga opisyal ug mulapas sa kapin unom ka tuig ang ilang sentensya sa pagkapriso, tukman lang nga himoon sa mga otoridad ang ilang obligasyon panahon nga ipagawas na arrest order gikan sa International Criminal Court (ICC).
Hisayran nga sila Senador Bato dela Rosa ug Christopher Bong Go maoy duha sa walo ka co-perpetrator nga gilista sa langyaw nga hukmanan nga mitabang sa pagpalapad sa duguon ug ilegal nga kampanya nga war on drugs ni Duterte.
