CAGAYAN DE ORO CITY, Philippines – Midistanya una si Senador Imee Marcos sa bangi sa iyang igsoon nga si Presidente Ferdinand Marcos Jr., batok sa iyang higala nga si Vice President Sara Duterte.
Namahayag ang presidential sister nga sa sinugdanan pa lang, nakita na niya ang posibilidad sa pagsumpaki sa duha ka tag-as nga lider tungod sa pagpataliwala sa iyang gitawag nga “outside forces” nga posibleng maoy hinungdan nga mi-aslom ang tinagdanay sa duruha.
Mahinumduman nga mismo si VP Sara ang mi-angkon nga dili na sila managhigala ni Presidente Marcos, ug si Marcos mitawag sa iyang bise president isip “unimportant”.
Subli, gipamugos ni Senador Marcos nga mas gusto gipili niyang mahimong independent candidate sa umalabot 2025 elections aron dili malambigit sa nagsamot nga bangi sa duruha.
