CAGAYAN DE ORO CITY, Philippines – Masaligon si Senador Imee Marcos nga masabutan ug maayo sa senado kung unsang komite ang muhupot sa War on Drugs investigation sa kanhi Administrasyong Duterte.
Apan kung ang presidential sister ang pabut-on, mas gusto niyang idiritsu kini sa korte aron ang prosekusyon na ang mangitag ebidensya ug testigo batok sa mga na-implikar nga mga high ranking officials sa PNP tuig 2016 hangtud 2022.
Gawas sa kapulisan, milutaw na ang ngalan nila Senador Bato dela Rosa ug Bong Go nga tigsuhol sa mga pulis nga makasalvage sa mga tigpayuhot sa druga gamit ang Davao Model ug Rewards System ni kanhi President Rodrigo Duterte.
