Gipamugos ni Senator-Judge Raffy Tulfo nga gikinahanglan untang nag-divest si Vice President Sara Duterte sa iyang mga business interest niadtong nilingkod na kini isip Bise Presidente sa nasud.
Matud ni Tulfo, sa usa ka sworn document mismo kay giingong giangkon ni VP Sara nga panag-iya nila sa iyang bana nga si Atty. Manases Carpio ang ilang kompanya.
Giingon usab ni Tulfo nga kung wala gideklara ni VP Sara ang iyang pagpanag-iya sa maong kompanya, pwede kini mahimong hisgutanan bahin sa non-declaration, apan kung ideklara usab kini niya, pwede kini mahimong hisgutanan ubos sa Article VII, Section 13 sa 1987 Constitution nga nagdili sa Bise Presidente nga mosalmot sa bisan unsang negosyo samtang naa pa kini sa iyang pwesto.
Tungod niini, gipahayag ni Tulfo nga katingalahan kung ngano walay nakahatag og tambag sa Bise Presidente nga gikinahanglan niyang mag-divest sa iyang mga business interests. (raniel mahunyag)
