Nasakmit sa Sibol, ang nasyonal nga contingent sa esports sa Pilipinas, ang bronze medal sa Honor of Kings event sa 20th Asian Games human mapildi sa China, 0-2, sa semifinals niadtong Lunes sa Aichi Sky Expo Hall D sa Japan.
Nakaabante ang Sibol sa semifinals human niini mipildi sa South Korea, 2-0, sa quarterfinals niadtong Domingo, nga nagsiguro sa Pilipinas og labing menos bronze medal sa maong kompetisyon.
Bisan pa sa kapildihan batok sa China, nakakuha ang Sibol og ikaduhang medalya sa esports alang sa Pilipinas sa 2026 Asian Games.
Kini misunod sa pagkadaog og bronze medal sa Sibol Pokémon UNITE team niadtong Domingo, human kini mapildi sa Indonesia, 0-2, sa semifinals.-(raniel mahunyag)
